To An Old Friend

Kisi doosre janam ki baat lagti hai,
Jab hum donon ki duniya ek hua karti thi…

Adhoore sire toh hain abhi bhi;
Main hoon,
You-Tube par tum bhi dikh jaate ho,
Par wo baat kahan hai?


Tumhe shayad pataa nahin;
Tum wahin reh gaye Mowgli,
Main aage badh gaya.
Kaash mera kirdaar haad-maans ka na hota,
Kaash main bhi rangon-rekhaon mein racha gaya hota…

Aaj kehne ko toh itna kuchh hai,
Bas wo rang aur rekhayen nahin hain,
Jo har itwar, subah dus baje
Mere jeene ki vajah ban jaati thi!